“Bavariya” hujumchisi Robert Levandovski faoliyatini “Chelsi”da davom ettirishi mumkin. Bu haqda Daily’ga tayanib, “Chempionat” xabar bermoqda.
Manbaga ko‘ra, futbolchi kataloniyaliklar va “Bavariya” o‘rtasidagi muzokaralar muvaffaqiyatsizlikka uchragan taqdirda muqobil variant sifatida London klubini ko‘rmoqda.
Ayni damda polshalik futbolchi “Barselona” bilan shartnoma imzolashga yaqin, biroq vaziyat Kataloniya klubidagi beqaror moliyaviy ahvol tufayli murakkablashmoqda. Aynan shu narsa kelishuvga to‘sqinlik qilishi mumkin.
Shuningdek, “Chelsi”ning ham futbolchiga qiziqish bildirgani va istalgan vaqtda kelishuvga qo‘shilishga tayyorligi xabar qilingan. Londonliklar Romelu Lukaku ketganidan keyin hujum markazini kuchaytirmoqchi.
Eslatib o‘tamiz, avvalroq Robert Levandovski nemis klubidagi muddati tugagani va jamoani tark etmoqchi ekanligini aytgan edi.
Izoh (0)