“Lids” vingeri Rafinya Dias “Barselona”ga o‘tadi.
Jurnalist Fabrisio Romanoning yozishicha, kataloniyaliklar futbolchi uchun kafolatlangan 72 million yevro taklif qilgan. “Lids” ushbu taklif rasmiy bo‘lganidan so‘ng uni qabul qilishga tayyor.
Braziliyalikning o‘zi ham “Lids”dan “Barselona”ning taklifini qabul qilishni so‘ragan. “Ko‘k-anorranglilar” libosida harakat qilish 25 yoshli futbolchining orzusi hisoblanadi.
Goal nashrining xabariga ko‘ra, “Barselona” va “Lids” og‘zaki kelishuvga erishgan. “Chelsi” Rafinya uchun kurashdan chiqqan. Yaqin kunlarda ushbu transfer e’lon qilinadi.
Ingliz klubi kataloniyaliklar pulni bo‘lib to‘lashiga rozi bo‘lgan. Hozirda “Barselona” 72 millionni birdaniga to‘laydigan holatda emas. Jamoalar transferning so‘nggi tafsilotlarini muhokama qilmoqda.
Rafinya Dias 2021/22-yilgi mavsum APLda 35 ta o‘yinda maydonga tushib, 11 ta gol va 3 ta golli uzatmaga mualliflik qilgan.
Izoh (0)