Erik ten Hag Krishtianu Ronaldu “Manchester Yunayted”ni tark etmasligini aytib o‘tdi.
Shaxsiy sabablariga ko‘ra u biz bilan emas. Ronaldu yangi mavsumda jamoamizda bo‘ladi, gap tamom. U bilan ishlashni intiqlik bilan kutyapman.Ma’lumot uchun, Ronaldu oilaviy sabablarga ko‘ra qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.Ronaldu ketishni xohlayotgani haqida? Uning o‘zi bu haqida gapirmadi. Faqatgina xabarlardan o‘qidim, yuqorida aytganimdek, Krishtianu sotilmaydi. U bizning rejalarimizga kiradi, Ronaldu bilan muvaffaqiyatga erishmoqchimiz.
Ushbu muammo paydo bo‘lishidan oldin u bilan gaplashgandik. Ronaldu bilan munosabatlarimiz yaxshi.
Erik ten Hag, “Manchester Yunayted” bosh murabbiyi
37 yoshli hujumchi Lissabonda bo‘lib turibdi. U Portugaliya terma jamoasi mashg‘ulotlar bazasiga tashrif buyurgan.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)