Samarqand shahar qo‘riqlash bo‘limi xodimlari tomonidan o‘zini Zarafshon daryosi ko‘prigidan tashlamoqchi bo‘lgan 18 yoshli qizning hayoti saqlab qolindi.
Viloyat hokimligi matbuot xizmatining ma’lum qilishicha, qiz 11-iyul kuni soat 15:03 lar atrofida Samarqand shahar qo‘riqlash bo‘limi 3-otryadi xodimlari tomonidan qo‘riqlanayotgan Zarafshon daryosi ustidagi toifalangan ko‘prikda noma’lum sabablarga ko‘ra o‘zini suvga tashlamoqchi bo‘lgan.
Milliy gvardiya Qo‘riqlash xizmati xodimlari bu holatni ko‘rib, zudlik bilan qizni ushlab qolishga erishgan va noxush holatning oldi olingan. Ma’lum bo‘lishicha, qizning bu qarorga kelishiga oilaviy muhitning nosog‘lomligi sabab bo‘lgan.
Hozirda ushbu holat yuzasidan hududiy ichki ishlar bo‘limi xodimlari tomonidan surishtiruv ishlari olib borilmoqda.
Izoh (0)