O‘zbekistonda oliy ta’lim muassasalaridagi ikkinchi mutaxassislikka hujjatlar qabuli boshlandi, deb xabar bermoqda Oliy ta’lim vazirligi matbuot xizmati.
Ma’lum qilinishicha, davlat oliy ta’lim muassasalariga ikkinchi va undan keyingi oliy ma’lumot bo‘yicha o‘qitishga nomzodlardan arizalar Oliy va o‘rta maxsus ta’lim vazirligining ikkinchitalim.edu.uz platformasi orqali onlayn qabul qilinadi.
Bunda nomzodlar platformada:
- o‘z pasport ma’lumotlari, JSHSHIR ma’lumoti haqida axborotlarni kiritadi;
- diplom va uning ilovasi elektron nusxasini yuklaydi;
- o‘qish istagini bildirgan oliy ta’lim muassasasi va ta’lim yo‘nalishini tanlaydi.
Ikkinchi va undan keyingi oliy ma’lumot bo‘yicha o‘qitish to‘lov-kontrakt asosida amalga oshiriladi.
Arizalar 10-avgustga qadar qabul qilinadi.
1-iyuldan O‘zbekistonda magistraturaga qabul boshlangandi. Hujjatlarni topshirish jarayoni vazirlikning rasmiy veb-sayti orqali 30-iyulga qadar (shu kuni ham) davom etadi.
Izoh (0)