“PSJ” “Manchester Yunayted” hujumchisi Krishtianu Ronalduga qiziqishini saqlab qolmoqda.
Portugaliyalik insayder Pedru Almeydaning xabariga ko‘ra, parijliklar futbolchining transferi borasida uning agenti Jorje Mendesh bilan aloqaga chiqqan.
Ma’lumot uchun, Ronaldu oilaviy sabablarga ko‘ra qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.
37 yoshli hujumchi Lissabonda bo‘lib turibdi. U Portugaliya terma jamoasi mashg‘ulotlar bazasiga tashrif buyurgan.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)