«ПСЖ» «Манчестер Юнайтед» ҳужумчиси Криштиану Роналдуга қизиқишини сақлаб қолмоқда.
Португалиялик инсайдер Педру Алмейданинг хабарига кўра, парижликлар футболчининг трансфери борасида унинг агенти Жорже Мендеш билан алоқага чиққан.
Маълумот учун, Роналду оилавий сабабларга кўра қўшимча таътил олган. У қаторасига тўрт марта машғулотларни ўтказиб юборди. Криштианунинг «Манчестер Юнайтед» машғулотларига қачон қўшилиши номаълум.
37 ёшли ҳужумчи Лиссабонда бўлиб турибди. У Португалия терма жамоаси машғулотлар базасига ташриф буюрган.
Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.
Изоҳ (0)