AQShning Las-Vegas shahrida Toshkent vaqti bilan 10-iyul tongida UFC Vegas 58 musobaqasi bo‘lib o‘tdi.
Ushbu MMA oqshomida o‘zbekistonlik yakkakurashchi Saidyoqub Qahramonov (10-2) ishtirok etdi. Unga Ronni Lourens (8-2) raqib bo‘ldi.
Jang Saidyoqubning ustunligida o‘tdi. Uch raund davom etgan jangda sportchi ochkolar evaziga raqibidan ustun keldi. Shu tariqa o‘zbekistonlik yakkakurashchi UFC’dagi navbatdagi g‘alabasini qo‘lga kiritdi.
Qahramonov UFC’dagi debyut jangini Guam vakili Trevin Jonsga qarshi o‘tkazib, raqibini bo‘g‘ish usuli bilan mag‘lub etgandi.
Ma’lumot uchun, Saidyoqub Qahramonov 1995-yilning 14-noyabrida Samarqandda tug‘ilgan. Sportchi professional MMA’da o‘nta jang o‘tkazib, ularning 8 tasida g‘olib bo‘lgan va ikkita jangda yutqazgan. Mag‘lubiyatlaridan birini hozirda UFC’da ishtirok etayotgan Umar Nurmagomedovdan qabul qilib olgan.
Izoh (0)