“Real” Marko Asensio va Dani Sebalyos uchun qancha pul olishni xohlayotgani ma’lum bo‘ldi.
ABC xabariga ko‘ra, Asensio ko‘proq o‘yin amaliyotiga ega bo‘lishni xohlaydi, “Real” bosh murabbiyi Karlo Anchelotti esa unga buni va’da qila olmaydi. Agar Markoga 50 million yevrolik taklif tushsa, Madrid uning ketishiga to‘sqinlik qilmaydi, biroq ayni damda vinger uchun rasmiy takliflar yo‘q.
Shuningdek, yarim himoyachi Sebalyos ham ko‘proq maydonga tushishni istaydi — u JCH—2022 da Ispaniya terma jamoasi tarkibidan o‘rin olishni maqsad qilgan. Dani “Real”ni tark etishga tayyor, klub uning transferidan kamida 15 million yevro olmoqchi.
Agar Sebalyos shu yozda “Real”da qolsa, klub unga yangi shartnoma imzolash borasida bosim o‘tkazadi. Ispanlar kelasi yozda futbolchini tekinga qo‘yib yubormoqchi emas.
Izoh (0)