Namanganda Qurbon hayiti arafasida bozorlarning guruch va ziravorlar rastalari xaridorlar bilan gavjum bo‘ldi. Bu haqda “Daryo” muxbiri Azizbek Abduvaliyev xabar bermoqda.
Guruch rastalarida “O‘zbegim”, lazer va devzira navlarining bozori chaqqon bo‘ldi. Ziravorlar rastalarida esa zira va no‘xat sotuvchilarining qo‘li qo‘liga tegmadi.
“Daryo” muxbiri Namangan shahridagi Dilnoza Azizova xonadonida bo‘lib, namangancha arafa oshi tayyorlanishi jarayonini kuzatdi.
Palovxonto‘raga urinishdan avval mazali jizza tayyorlanib, mehmonlarga tortiq qilinadi.
Ta’kidlash joizki, Namanganda arafa oshining bezatilishiga alohida e’tibor qaratiladi.
Dilnoza ham lazer guruchida tayyorlangan palovni bedana tuxumi, sarimsoq, po‘stdumba, bulg‘or qalampiri va tok bargiga o‘ralgan qiyma — kovatok bilan bezadi.
Bayramona bezatilgan namangancha arafa oshi chinni idishlarga solinib, birinchi galda qo‘ni-qo‘shnilarga ilinildi. So‘ng tovoqqa solinib, oila a’zolari jamuljam bo‘lgan dasturxonga tortildi.
Mavzuga doir:
Izoh (0)