Samarqand viloyati Kattaqo‘rg‘on tuman adliya bo‘limi tomonidan tuman Xalq ta’limi bo‘limida o‘tkazilgan monitoringlar natijasida hududdagi 20 nafardan ortiq maktablardagi kutubxonachilarga berilishi kerak bo‘lgan qo‘shimcha rag‘batlantirish pullari to‘lab berilmaganligi aniqlandi.
Xususan, tumandagi 31-maktab kutubxonachisi N.Bozorova 2 182 957 so‘m, 92-maktab kutubxonachisi M.Yalg‘ashova 1 029 697 so‘m, 44-maktab kutubxonachisi X.Sharipov 2 059 394 so‘m, xuddi shuningdek, 4, 41, 73, 104, 28, 8, 27, 24, 51, 5- singari maktab kutubxonachilariga ana shunday miqdordagi ish haqlariga qo‘shimcha tarzda berilishi lozim bo‘lgan jami 25 nafar kutubxonachiga 54 million 580 ming 431 so‘m to‘lanmagan.
Adliya bo‘limi xodimlarning manfaatlarini ko‘zlab Fuqarolik ishlari bo‘yicha Kattaqo‘rg‘on tumanlararo sudiga da’vo arizasi kiritdi. Sud O‘zbekiston Respublikasi Fuqarolik protsessual kodeksining 171, 178-moddalarini qo‘llab, adliya bo‘limining arizasini qanoatlantirdi.
O‘zbekiston prezidentining 2022-yil 11-maydagi PF-134-son farmoni bilan umumta’lim maktablarida faoliyat yuritayotgan kutubxonachilarining oylik maoshlari 2022-yil 1-sentabrdan oshirilishi belgilandi.
Izoh (0)