59 yoshli Kventin Tarantino ikkinchi marta ota bo‘ldi

Gollivudning mashhur rejissorlaridan biri Kventin Tarantino 59 yoshida ikkinchi marta ota bo‘ldi. Uning rafiqasi Daniella Pik uzoq kutilgan qiz farzandni dunyoga keltirdi. Manbalarga ko‘ra juftlikning ikkinchi farzandi 2-iyul kuni tug‘ilgan.

Kventin va Daniellaning birinchi farzandi — Leo ismli o‘g‘li 2020-yilda dunyoga kelgan.  Kventin xonanda bilan turmush qurishidan oldin Margaret Cho, Sofiya Koppola, Juli Dreyfus, Mira Sorvino, Keti Griffin kabi aktrisalar bilan uchrashgan.

Ma’lumot uchun, Kventin Tarantino 1963-yilda AQShning Tennessi shtatida tug‘ilgan. Gollivudning yetakchi rejissorlaridan biri Kventin “Oltin globus”, “Sezar”, “BAFTA” mukofotlarini qo‘lga  kiritgan. Uning “Billning qotili”, “Jeki Braun”, “O‘lim isboti”, ”Bir kuni Gollivudda” kabi kinofilmlari muxlislarning e’tirofiga sazovor bo‘lgan. Rejissor Daniella bilan 2009-yilda tanishgan va 2018-yilda Los-Anjelesda yashirin tarzda to‘y qilgan. Ular hozir Tel-Aviv shahrida yashaydi.

Mavzuga doir:

• Kventin Tarantino yana bir tarixiy kinoteatrni sotib oldi
• Kventin Tarantinoning muxlisasi undan oyog‘iga dastxat qo‘yib berishni so‘radi. Rejissor o‘ylanib o‘tirmasdan, buni amalga oshirgan
• Kventin Tarantino 2 ta kitob yozadi. Ulardan biri “Bir kuni Gollivudda” filmi haqida