Голливуднинг машҳур режиссёрларидан бири Квентин Тарантино 59 ёшида иккинчи марта ота бўлди. Унинг рафиқаси Даниэлла Пик узоқ кутилган қиз фарзандни дунёга келтирди. Манбаларга кўра жуфтликнинг иккинчи фарзанди 2 июль куни туғилган.
Квентин ва Даниэлланинг биринчи фарзанди — Лео исмли ўғли 2020 йилда дунёга келган. Квентин хонанда билан турмуш қуришидан олдин Маргарет Чо, София Коппола, Жули Дрейфус, Мира Сорвино, Кети Гриффин каби актрисалар билан учрашган.
Маълумот учун, Квентин Тарантино 1963 йилда АҚШнинг Теннесси штатида туғилган. Голливуднинг етакчи режиссёрларидан бири Квентин «Олтин глобус», «Цезарь», «BAFTA» мукофотларини қўлга киритган. Унинг «Биллнинг қотили», «Жеки Браун», «Ўлим исботи», »Бир куни Голливудда» каби кинофильмлари мухлисларнинг эътирофига сазовор бўлган. Режиссёр Даниэлла билан 2009 йилда танишган ва 2018 йилда Лос-Анжелесда яширин тарзда тўй қилган. Улар ҳозир Тель-Авив шаҳрида яшайди.
Мавзуга доир:
Изоҳ (0)