Ukraina G‘arb davlatlaridan 28 ming tonnadan ortiq harbiy yuk olgan, qurollarning bir qismi Yaqin Sharqqa chiqib ketmoqda, dedi Rossiya mudofaa vaziri Sergey Shoygu.
“Kollektiv G‘arb Ukrainadagi mojaroni cho‘zish umidida Kiyev rejimiga keng ko‘lamli qurol-yarog‘ yetkazib berishni davom ettirmoqda”, — ta’kidladi Shoygu harbiy idoraning konferensiya yig‘ilishida.
“Mavjud ma’lumotlarga ko‘ra, G‘arb tomonidan Ukrainaga yetkazib berilayotgan xorijiy qurollarning bir qismi Yaqin Sharq mintaqasi bo‘ylab tarqalmoqda, shuningdek, qora bozorga tushmoqda”, — dedi vazir.
21-fevral kuni Rossiya prezidenti Vladimir Putin Donetsk va Lugansk xalq respublikalari mustaqilligini tan olish haqidagi farmonni imzolagan edi. 24-fevral kuni Putin Ukrainada “maxsus harbiy operatsiya” boshlanganini e’lon qildi va Rossiya qo‘shinlari mamlakat hududiga bostirib kirishni boshladi.
Bunga javoban ko‘plab davlatlar Rossiyaga qarshi yirik sanksiyalarni joriy qildi. Bir qator davlatlar Ukrainaga qurol va jihozlar yetkazib bermoqda.
Izoh (0)