Turkmaniston Tashqi ishlar vazirligi Qoraqalpog‘iston Respublikasida sodir bo‘lgan voqealar yuzasidan bayonot berdi.
Qayd etilishicha, qo‘shni mamlakat bo‘lib o‘tgan holatga o‘z xavotirini bildirgan.
“Turkmaniston tomoni O‘zbekiston rahbariyatining mamlakatda konstitutsiyaviy tuzum va huquq-tartibotni, xalq xavfsizligi va tinchligini himoya qilish bo‘yicha o‘z vaqtida amalga oshirilgan qat’iy harakatlarini qo‘llab-quvvatlaydi.
Ishonchimiz komilki, ko‘p asrlik donishmandlik, tajriba uzoqni ko‘zlagan holda yuzaga kelgan qiyinchiliklarni yengib o‘tishga, O‘zbekiston Respublikasining izchil va barqaror rivojlanishini, davlat va jamoat institutlari barqarorligini ta’minlashga xizmat qiladi.
Turkmaniston O‘zbekistonning yaqin qo‘shnisi sifatida bu davlat bilan qardoshlik, do‘stlik va yaqin hamkorlik rishtalari bilan bog‘lanib, unga zarur yordam va ko‘mak ko‘rsatishga tayyorligini bildiradi”, — deyiladi xabarda.
Izoh (0)