2022-yi 4-iyul kuni O‘zbekiston Respublikasi tashqi ishlar vaziri v.b. Vladimir Norovning Turkiya Respublikasi tashqi ishlar vaziri Mevlut Chavushog‘lu bilan telefon orqali muloqoti bo‘lib o‘tdi.
Suhbat avvalida Mevlut Chavusho‘g‘li O‘zbekiston tomonidan Qoraqalpog‘iston Respublikasida tinchlik, xavfsizlik va jamoat osoyishtaligini ta‘minlash, ushbu hududning barqaror rivojlanishini har tomonlama qo‘llab-quvvatlash maqsadida amalga oshirilgan qat‘iy chora-tadbirlarni Turkiya qat‘iy qo‘llab-quvvatlashini bildirdi.
O‘zbekiston va Turkiya o‘rtasida oliy darajadagi uchrashuvlarda erishilgan kelishuvlarni o‘z vaqtida va to‘laqonli amalga oshirish muhimligi qayd etildi.
Ikki va ko‘p tomonlama shakldagi rejalashtirilgan tadbirlarning tashkiliy va mazmuniy jihatlari ko‘rib chiqildi. Shu jumladan, Toshkent shahrida o‘tkazilishi kutilayotgan tashqi siyosat, iqtisodiyot va transport masalalari uchun mas‘ul idoralar rahbarlari darajasidagi “O‘zbekiston – Ozarbayjon – Turkiya” uch tomonlama uchrashuviga tayyorgarlik jarayoni muhokama qilindi.
Mavzuga doir:
- Tojikiston prezidenti ham Shavkat Mirziyoyevning Qoraqalpog‘istonda barqarorlikni ta’minlash borasidagi ishlarini qo‘llab-quvvatladi
- Xitoy O‘zbekiston hukumatining milliy osoyishtalikni ta’minlash borasidagi harakatlarini qo‘llab-quvvatlaydi — Xitoy TIV
- Qozog‘iston prezidenti Qoraqalpog‘istonda Mirziyoyev tomonidan ko‘rilgan chora-tadbirlarni qo‘llab-quvvatladi
Izoh (0)