Samarqand viloyati Toyloq tumanida fermer xo‘jaligining yer maydonini o‘z boshimchalik bilan egallab olish holati aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Toyloq tuman bo‘limi tomonidan tergovga qadar tekshiruv o‘tkazilgan. Unda “L.Z.” fermer xo‘jaligi ish yurituvchisi A.T. 9 nafar fuqaroga xo‘jalikning jami 54 sotix sug‘oriladigan yer maydonini egalik qilish huquqini beruvchi qaror chiqartirib berishga ishontirib, 46,5 million so‘mga sotib yuborgani aniqlangan. Shuningdek, fuqaro T.A. o‘zboshimchalik bilan egallangan 6 sotix yer maydonida uy uchun poydevor qurgan.
Holat yuzasidan Jinoyat kodeksining 168-moddasi (firibgarlik) va 229-1-moddasi (yer uchastkalarini o‘z boshimchalik bilan egallab olish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Sirdaryoda fuqaroni Toshkent davlat politexnika institutiga 5 ming dollar evaziga kiritib qo‘yishni va’da qilgan shaxs ushlandi
- Toshkentda elektrdan qarzdorlikni kamaytirib berish uchun pora olgan elektr tarmoqlari korxonasi xodimi ushlandi
- Farg‘onada fuqaroga nabirali bo‘lishini aytib, 4,5 mln so‘mlik tilla taqinchoqlari va pulini olib ketgan folbin ushlandi
Izoh (0)