Самарқанд вилояти Тойлоқ туманида фермер хўжалигининг ер майдонини ўз бошимчалик билан эгаллаб олиш ҳолати аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Тойлоқ туман бўлими томонидан терговга қадар текширув ўтказилган. Унда «Л.З.» фермер хўжалиги иш юритувчиси А.Т. 9 нафар фуқарога хўжаликнинг жами 54 сотих суғориладиган ер майдонини эгалик қилиш ҳуқуқини берувчи қарор чиқартириб беришга ишонтириб, 46,5 миллион сўмга сотиб юборгани аниқланган. Шунингдек, фуқаро Т.А. ўзбошимчалик билан эгалланган 6 сотих ер майдонида уй учун пойдевор қурган.
Ҳолат юзасидан Жиноят кодексининг 168-моддаси (фирибгарлик) ва 229-1-моддаси (ер участкаларини ўз бошимчалик билан эгаллаб олиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сирдарёда фуқарони Тошкент давлат политехника институтига 5 минг доллар эвазига киритиб қўйишни ваъда қилган шахс ушланди
- Тошкентда электрдан қарздорликни камайтириб бериш учун пора олган электр тармоқлари корхонаси ходими ушланди
- Фарғонада фуқарога набирали бўлишини айтиб, 4,5 млн сўмлик тилла тақинчоқлари ва пулини олиб кетган фолбин ушланди
Изоҳ (0)