Olimpiya zaxiralari kolleji o‘qituvchisi va jismoniy tarbiya va sport universiteti talabasi pora bilan qo‘lga tushishdi. Bu haqda Bosh prokuratura huzuridagi departament xabar berdi.
Departamentning Qibray tuman bo‘limi tomonidan viloyat DXX va IIB xodimlari bilan hamkorlikda o‘tkazilgan tezkor tadbirda, Chirchiq shahar Olimpiya zaxiralari kolleji o‘qituvchisi J.B. va O‘zbekiston davlat jismoniy tarbiya va sport universiteti talabasi E.A. fuqaro G‘.ni ushbu universitetga tanishlari orqali o‘qishga kiritib qo‘yish evaziga 4 500 dollar olgan vaqtida ashyoviy dalillar bilan ushlangan.
Shu kabi, Yuqorichirchiq tuman bo‘limi tomonidan o‘tkazilgan tezkor tadbirda, fuqaro M.M. boshqa bir fuqaro B.ni O‘zbekiston davlat jismoniy tarbiya va sport universitetiga tanishlari yordamida o‘qishga kiritib qo‘yish evaziga 4 500 dollar olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)