Qashqadaryo viloyati Dehqonobod tumanida 2-iyul kuni Cobalt va Nexia mashinalari o‘rtasida yo‘l-transport hodisasi sodir bo‘ldi.
Qayd etilishicha, YTH shu kuni Dehqonobod tumani hududidan o‘tgan M-39 Toshkent—Termiz avtomobil yo‘lining 1284-kilometrida sodir bo‘lgan. Haydovchi A.M. boshqaruvida bo‘lgan Nexia hamda qarama-qarshi yo‘nalishdan harakatlanib kelayotgan haydovchi X.A. boshqaruvida bo‘lgan Cobalt avtotransport vositalari to‘qnashgan.
Oqibatida Nexia avtomashinasida yo‘lovchi sifatida kelayotgan fuqaro A.M. tan jarohati olib shifoxonaga tushgan.
Hozirda holat yuzasidan Dehqonobod tumani IIB tomonidan tergovga qadar surushtiruv harakatlari olib borilmoqda.
Izoh (0)