“Bavariya” “Barselona”ning Robert Levandovski uchun yuborilgan uchinchi taklifini ham rad etdi.
Avvalroq kataloniyaliklar polshalik hujumchi uchun uchinchi taklifni yuborgani xabar qilingandi.
Bild nashri xabariga ko‘ra, myunxenliklar 33 yoshli hujumchini 40+5 million yevroga sotishga rozi bo‘lmadi.
Undan avval “Barselona” 32+5 million, keyin esa 35+5 million yevrolik takliflar yuborgandi. Ikkalasi ham “Bavariya” tomonidan rad etilgan.
“Bavariya” futbolchi uchun 50 million yevro taklif qilinsagina, muzokaralarni boshlashga tayyor.
Futbolchiga “Chelsi” va “PSJ” klublari ham qiziqish bildirmoqda. 33 yoshli hujumchining o‘zi Myunxen klubini tark etayotganini ma’lum qilgandi.
Robert Levandovski 2021/22-yilgi mavsum “Bavariya” safida barcha musobaqalarda 50 ta o‘yinda maydonga tushib, 46 ta golga mualliflik qilgan.
Izoh (0)