Afsonaviy bokschi Floyd Meyvezer ikki vazn toifasidagi UFC sobiq chempioni Konor Makgregorga 2023-yilning mart oyida Yaqin Sharqda revansh jangi o‘tkazishni taklif qildi.
Amerikalik sobiq bokschi Konorga 157,9 million dollar to‘lashga tayyor. Shuningdek, Meyvezer mazkur jang kechasining anderkardida Jervonta Devis va Rayan Garsiya o‘rtasidagi bellashuv ham bo‘lib o‘tishiga umid qilmoqda.
“Floyd xuddi 30 yoshdagidek mashq qilmoqda. U haqiqatan ham ajoyib formada. U odamlarga Makgregor bilan jang qilishni xohlayotganini aytadi, chunki buni oson pul topish yo‘li deb hisoblaydi.
Ko‘rinishidan bu jang mart oyida Yaqin sharqda bo‘lib o‘tadi. Balki o‘sha kechada Devis va Garsiya o‘rtasida ham jang bo‘lib o‘tar. Floyd ushbu jang boks tarixidagi tomoshalar uchun eng ko‘p to‘langan kecha bo‘lishini xohlaydi”, — deydi vaziyatdan xabardor manba.
Floyd Meyvezer va Konor Makgregor o‘rtasidagi dastlabki boks janggi 2017-yilning yozida bo‘lib o‘tgan. Unda Meyvezer 10-raundda texnik nokaut evaziga g‘alaba qozongan edi.
Izoh (0)