Toshkentda “shahar bedarvoza” deb o‘ylagan shaxslarga sud hukmi o‘qildi

2021-yilning oktabri oxirlarida Toshkentda bir guruh shaxslar o‘rtasida sodir bo‘lgan janjal sodir bo‘lgani va gumonlanuvchilarga nisbatan jinoyat ishi qo‘zg‘atilgani to‘g‘risida xabar berilgandi. Poytaxt IIBBning ma’lum qilishicha, ushbu shaxslarga nisbatan sud hukmi o‘qilgan.

31-oktabr kuni soat 22:00 larda Toshkentning Bog‘ishamol ko‘chasida bir nechta fuqarolar o‘rtasida janjal yuz bergandi. Xususan, 30 yoshli J.I. va uning tanishlari 30 yoshli M.X., 39 yoshli J.A., 24 yoshli U.R., 37 yoshli X.A., 27 yoshli X.S., 30 yoshli U.D. o‘zaro janjallashgan. Natijada gumonlanuvchilardan biri 30 yoshli J.I. qochmoqchi bo‘lgan Chevrolet Equinox rusumli avtomobilga zarar yetkazgan.

Holat yuzasidan Yunusobod tumani IIO FMB tergov bo‘limi tomonidan jinoyat ishi qo‘zg‘atilib, tergov olib borilgan. Tergov yakuni bo‘yicha to‘plangan hujjatlar o‘rnatilgan tartibda ko‘rib chiqishlik uchun jinoyat ishlari bo‘yicha Yunusobod tumani sudiga yuborilgan. Sud tomonidan fuqarolar:

• 40 yoshli J.ga Jinoyat kodeksining 112-moddasi (o‘ldirish yoki zo‘rlik ishlatish bilan qo‘rqitish) 1-qismi bilan;
• 31 yoshli M.ga Jinoyat kodeksining 112-moddasi (o‘ldirish yoki zo‘rlik ishlatish bilan qo‘rqitish) 1-qismi bilan;
• 29 yoshli S.ga Jinoyat kodeksining 112-moddasi 1-qismi, 131-moddasi (qo‘shmachilik qilish yoki fohishaxona saqlash) 3-qismi va 229-moddasida (o‘zboshimchalik),
• 30 yoshli B.ga Jinoyat kodeksining 131-moddasi 3-qismi va 229-moddasida bilan,
• 26 yoshli S.ga nisbatan Jinoyat kodeksining 112-moddasi 1-qismi bilan hukm o‘qilgan.