Ijtimoiy tarmoqlarda Namangan viloyati Norin tumanida 33 yoshli erkak o‘zini osib qo‘ygani haqida xabar tarqaldi. Viloyat prokuraturasi mazkur holat yuzasidan rasmiy ma’lumot berdi.
Ma’lum qilinishicha, 26-iyun kuni Norin tumani “Otbozor” MFY, Mustaqillik ko‘chasida yashagan 33 yoshli N.A (oilali, 1 nafar farzandi bor, avtomaktabda o‘qituvchi bo‘lib ishlagan) o‘zining yashash xonadoni tom qismida o‘zini-o‘zi osib, vafot etgan.
Tekshirish davomida marhum oxirgi vaqtlarda elektron qimor o‘yinida yutqazib qo‘yganidan oilaviy kelishmovchiliklar kelib chiqqani oqibatida ruhiyatida salbiy o‘zgarish bo‘lgani aniqlangan.
Marhumning o‘limi sababiga aniqlik kiritish maqsadida sud-tibbiy ekspertizasi tayinlangan.
Holat bo‘yicha Norin tumani prokuraturasi tomonidan tergovga qadar tekshiruv harakati olib borilmoqda.
Bundan oldin, Toshkentda 27 yoshli yigit totalizator sabab o‘zini osib qo‘ygani haqidagi xabarlar yuzasidan rasmiy ma’lumot berilgani, Andijonda 2022-yilning dastlabki uch oyida 10 nafar maktab o‘quvchisi o‘z joniga qasd qilgani to‘g‘risida xabar berilgandi.
Mavzuga doir:
- Andijonda fuqaro uyida o‘zini osib o‘ldirdi
- Farg‘onada yana bir yigit totalizatorda yutqazib qo‘yib, o‘zini osgani aytilmoqda
- Qarzga olgan 57 mln so‘mni totalizatorda yutqazib qo‘ygan FarDU o‘qituvchisi qabristonda o‘zini osib qo‘ydi
- Toshkentda rahbarining 6 mln so‘m pulini totalizatorga tikib, yutqazib qo‘ygan yigit o‘zini pichoqladi
Izoh (0)