“O‘zgidromet” 29-iyundan 3-iyulgacha bo‘lgan davrda tog‘larda kutilayotgan yuqori harorat foni hisobiga Qirg‘iziston hududidan Farg‘ona viloyati tog‘oldi va tog‘li hududlarida sel xavfidan ogohlantirdi.
Ma’lum qilinishicha, So‘x, Farg‘ona tumanlarida hamda So‘x, Shohimardon, Isfayramsoy daryolarida glyatsial (muz) sel-suv toshqin hodisalari yuzaga kelishi mumkin.
“Tog‘oldi va tog‘li hududlarda istiqomat qiluvchi fuqarolarni, dam oluvchilarni hamda tog‘li hududlarda harakatlanuvchi haydovchilarni ehtiyotkorlik choralarini ko‘rishlarini so‘raymiz”, — deyiladi xabarda.
Eslatib o‘tamiz, Gidrometeorologiya xizmati markazi 25—29-iyun kunlari O‘zbekiston hududiga Turkmaniston orqali Eron hududlaridan issiq havo kirib kelishini ma’lum qilgandi. “O‘zgidromet”ning prognozlariga ko‘ra, respublikada harorat 45 darajagacha ko‘tariladi va bu anomal anomal issiq ob-havo hafta oxirigacha saqlanib qoladi.
Izoh (0)