G‘arb kompaniyalari Rossiya bozorini tark etishda davom etmoqda

Iyun oyining oxirida uchta xorijiy kompaniya Rossiyadagi o‘z biznesini sotish va rus bozoridan chiqishni e’lon qildi.

Hotpoint va Indesit kabi brendlarga egalik qiluvchi Amerikaning eng yirik maishiy texnika ishlab chiqaruvchisi Whirlpool Corporation Rossiyadagi aktivlarini Turkiyaning Arcelik kompaniyasiga sotadi. Bitim summasi 200 million yevrodan oshadi. Bu haqda “Kommersant” gazetasi xabar berdi.

Fransiyaning shinalar ishlab chiqaruvchi Michelin kompaniyasi 2022-yil oxirigacha Rossiyadagi biznesini mahalliy boshqaruvga o‘tkazish niyatida ekanligini ma’lum qildi. Bu qaror yetkazib berish bilan bog‘liq muammolar va “umumiy noaniqlik” sharoitida ishlab chiqarishni qayta tiklashning iloji yo‘qligi sababli qabul qilindi, deyiladi press-relizda. Kompaniya Rossiyani tark etish bilan bog‘liq moliyaviy xavflarni taxminan 250 million yevroga baholagan.

Lift ishlab chiqarishga ixtisoslashgan Finlyandiyaning Kone korporatsiyasi Rossiya Federatsiyasidagi bo‘limini rossiyalik top-menejerlarga sotishi haqida xabar berdi. Taxminlarga ko‘ra, aktivlarni o‘tkazish bo‘yicha bitim 2022-yilning to‘rtinchi choragida amalga oshiriladi, shundan so‘ng kompaniya Rossiya bozorini tark etadi, mahalliy bo‘lim esa boshqa nom ostida mustaqil faoliyat yurita boshlaydi.

Mishel va Kone Rossiyadagi aktivlarini qanday shartlar bilan sotishi hozircha aniqlamagan.