Июнь ойининг охирида учта хорижий компания Россиядаги ўз бизнесини сотиш ва рус бозоридан чиқишни эълон қилди.
Hotpoint ва Indesit каби брендларга эгалик қилувчи Американинг энг йирик маиший техника ишлаб чиқарувчиси Whirlpool Corporation Россиядаги активларини Туркиянинг Арcелик компаниясига сотади. Битим суммаси 200 миллион евродан ошади. Бу ҳақда «Коммерсантъ» газетаси хабар берди.
Франциянинг шиналар ишлаб чиқарувчи Michelin компанияси 2022 йил охиригача Россиядаги бизнесини маҳаллий бошқарувга ўтказиш ниятида эканлигини маълум қилди. Бу қарор етказиб бериш билан боғлиқ муаммолар ва «умумий ноаниқлик» шароитида ишлаб чиқаришни қайта тиклашнинг иложи йўқлиги сабабли қабул қилинди, дейилади пресс-релизда. Компания Россияни тарк этиш билан боғлиқ молиявий хавфларни тахминан 250 миллион еврога баҳолаган.
Лифт ишлаб чиқаришга ихтисослашган Финляндиянинг Kone корпорацияси Россия Федерациясидаги бўлимини россиялик топ-менежерларга сотиши ҳақида хабар берди. Тахминларга кўра, активларни ўтказиш бўйича битим 2022 йилнинг тўртинчи чорагида амалга оширилади, шундан сўнг компания Россия бозорини тарк этади, маҳаллий бўлим эса бошқа ном остида мустақил фаолият юрита бошлайди.
Мishel ва Kone Россиядаги активларини қандай шартлар билан сотиши ҳозирча аниқламаган.
Изоҳ (0)