Rossiya Tashqi ishlar vazirligi sanksiyalar ro‘yxatiga yana 25 nafar Amerika fuqarosini, jumladan, AQSH prezidentining rafiqasi Jill va qizi va Eshli Baydenni qo‘shdi.
Shuningdek, “qora ro‘yxat”da “rusofobik kursni shakllantirish uchun javobgar” senatorlar ham bor. Ularning barchasiga Rossiyaga kirish taqiqlandi.
Rossiya Tashqi ishlar vazirligi yangi cheklovlarni “AQSHning Rossiya siyosiy va jamoat arboblariga nisbatan tobora kengayib borayotgan sanksiyalariga javob” deb atadi.
Rossiya sanksiyalariga uchragan AQSH fuqarolarining umumiy soni 1048 nafarga yetdi. Avval Ukrainadagi urush tufayli G‘arb sanksiyalari fonida Rossiya Tashqi ishlar vazirligi Jo Baydenning o‘zi, uning o‘g‘li Xanter, sobiq davlat kotibi Hillari Klinton, shuningdek, AQSH vitse-prezidenti Kamala Xarris, Meta bosh direktori Mark Sukerberg, LinkedIn bosh direktori Rayan Roslanskiy va Meduza nashrining ingliz tilidagi versiyasi bosh muharriri Kevin Rotrokka sanksiyalar joriy qilib, ularning Rossiyaga kirishini taqiqlagan edi.
Izoh (0)