Франция нефть қазиб олувчи давлатларни қора олтин нархининг ошиб бориши фонида ишлаб чиқариш ҳажмини оширишга чақирди, дея хабар беради Франция ОАВлари.
Le Parisien газетаси 27 июнь куни Франция маъмуриятининг Германияда бўлиб ўтган G7 йиғилишида қилган баёнотидан иқтибос келтирган ҳолда «Биз учун нефть ишлаб чиқарувчи мамлакатларнинг алоҳида асосда кўпроқ нефть қазиб олиши зарур» дея ёзади.
Франция томони, шунингдек, нефть етказиб бериш манбаларини Эрон ва Венесуэла ҳисобидан диверсификация (ишлаб чиқариш самарадорлигини ошириш, иқтисодий фойда олиш ва банкротликдан қочиш мақсадида маҳсулот турларини кенгайтириш ҳамда сотиш бозорларини қайта йўналтириш, ишлаб чиқаришнинг янги турларини ўзлаштириш) қилиш имкониятига ҳам ишора қилган.
Нашрнинг қайд этишича, бу баёнот G7 Россияга қарши санкцияларни кучайтириш ва Россия нефтига жаҳон даражасида нарх чегарасини белгилаш имкониятларини муҳокама қилаётган бир пайтда айтилган.
Изоҳ (0)