Toshkent shahar Yunusobod tumanidagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga harbiy sud hukmi bilan Mirobod tumani MIB tomonidan joylashtirilgan. 2006-2015-yillarda qurilgan 2 qavatli uy 8 xonadan iborat.
Yer uchastkasining umumiy maydoni — 0,17 gektar. Binoning maydoni — 1021 kvadrat metr. Hovlida gaz, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 17,3 mlrd so‘m. Arizalar 5-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, uyning 80 kvadrat metri kadastr hujjatiga kiritilmay qo‘shib olingan.
Avvalroq Farg‘onadagi ko‘p qavatli gipermarket 23,2 mlrd so‘mga auksionga qo‘yilgani haqida xabar berilgandi.
Izoh (0)