Davlat statistika qo‘mitasi 2022-yil yanvar—aprel oylari bo‘yicha chakana savdo aylanmasini e’lon qildi.
O‘zbekiston bo‘yicha chakana savdo aylanmasi 108,2 mlrd so‘mni, ya’ni 2021-yilning yanvar—may oylariga nisbatan 110,1 foizni tashkil etdi.
Barcha hududlarda o‘sish sur’atlari kuzatildi. Tarkibiy qismlari 78,4 foiz kichik biznes va xususiy tadbirkorlik subyektlari va 21,6 foiz yirik korxonalar hissasiga to‘g‘ri keldi.
Tovar aylanmasida eng yuqori ulush Toshkent shahrida — 25,6 foiz, ya’ni 27,6 mlrd so‘m.
Keyingi o‘rinlarda Toshkent (10,9 mlrd so‘m), Samarqand (9 mlrd so‘m) va Farg‘ona (8,7 mlrd so‘m) viloyatlari joylashgan.
O‘zbekiston chakana savdo tovar aylanmasida eng quyi ulushni Sirdaryo viloyati 1,6 foiz bilan 1,6 mlrd so‘mni tashkil etdi.
Yirik korxonalarning tovar aylanmasi hajmi, 2021-yilning yanvar—aprel oylariga nisbatan 30,2 foizga o‘sdi. Bu 23,4 mlrd so‘mga teng.
Bu esa umumiy savdo hajmining 21,6 foiz ulushiga to‘g‘ri keldi.
Kichik biznes va xususiy tadbirkorlik subyektlarining chakana savdo tovar aylanmasi hajmi 84,8 mlrd so‘mni tashkil etib, 2021-yilning yanvar—aprel oylariga nisbatan 5,6 foizga ko‘paydi.
O‘zbekiston miqyosida ushbu sektorning jami ulushi 78,4 foizni tashkil etdi.
Kichik biznes va xususiy tadbirkorlik subyektlarining ulushi bo‘yicha Sirdaryo (93,5 foiz), Surxondaryo (92,4 foiz), Qashqadaryo (92 foiz), Namangan (91 foiz) viloyatlari yetakchilik qilmoqda.
Yirik korxonalarning ulushi 21,6 foizni tashkil etib, eng katta ulush Toshkent shahrida (38 foiz), Toshkent (31,1 foiz), Xorazm (23,4 foiz) va Samarqand (21,3 foiz) viloyatlarida kuzatildi.
2022-yilning yanvar—may oylari holatiga ko‘ra, o‘rtacha aholi jon boshiga chakana savdo tovar aylanmasi 3 mln so‘mni tashkil etdi. Bu ko‘rsatkich 2021-yilning mos davriga nisbatan 7,9 foizga oshgan.
Hududlar kesimida solishtirilganda, eng yuqorisi Toshkent shahri (9,6 mln so‘m), Navoiy (4 mln so‘m) va Toshkent (3,7 mln so‘m) viloyatlari hissasiga to‘g‘ri keldi.
Izoh (0)