Jizzax viloyati Do‘stlik tumanida 27-iyun kuni bozorda yong‘in chiqdi. Bu haqda Favqulodda vaziyatlar vazirligi xabar qildi.
Qayd etilishicha, holat kuni soat 14:45 da Do‘stlik tumani “Chinobod” MFY Do‘stlik ko‘chasida joylashgan “Do‘stlik dehqon bozori”da sodir bo‘lgan. Hududda joylashgan tovuq mahsulotlari do‘koni va omborxona tomining 56 metr kvadrat shift qismi hamda do‘kondagi mahsulotlar yongan.
Yong‘inga soat 14:48 da 2 ta yong‘in qutqaruv ekipaji etib borgan. 14:53 da yong‘in o‘rab olingan, 15:23 da o‘chirilgan.
Yong‘indan qo‘shni do‘konlarning 80 metr kvadrat maydoni saqlab qolingan. Fuqarolarning tan jarohati olish va halok bo‘lish holatlari qayd etilmagan.
Hozirda yong‘inning sababi va zarari aniqlanmoqda.
Izoh (0)