Eldor Shomurodovdan Son Hyon Mingacha. Osiyoning ayni vaqtdagi eng qimmat 10 futbolchisi

Transfermarkt portali Osiyoning ayni vaqtdagi eng qimmat o‘yinchilari reytingini e’lon qildi.

Ro‘yxatni “Tottehem” klubi va Janubiy Koreya terma jamoasi hujumchisi Son Hyon Min egallab turibdi. 29 yoshli futbolchi portal tomonida 75 million yevroga baholangan.

Ikkinchi va uchinchi o‘rindan Yaponiya terma jamoasi vakillari Takehiro Tomiyasu (“Arsenal”) va Daichi Kamada (“Ayntraxt F”) o‘rin olgan.

O‘zbekiston terma jamoasi va Rimning “Roma” klubi forvardi Eldor Shomurodov eng qimmat osiyoliklar orasida o‘ninchi pog‘onada qayd etilgan. 26 yoshli Eldorning transfer qiymati 8 million yevroga teng.

1. Son Hyon Min (“Tottenhem”, Janubiy Koreya) — 75 million yevro
2. Takehiro Tomiyasu (“Arsenal”, Yaponiya) — 25 mln yevro
3. Daichi Kamada (“Ayntraxt”, Yaponiya) — 22 mln yevro
4. Sardor Azmun (“Bayer”, Eron) — 22 mln yevro
5. Mehdi Taremi (“Portu”, Eron) — 20 mln yevro
6. Hvan Hi Chan (“Vulverhempton”, Janubiy Koreya) — 16 mln yevro
7. Kim Min Je (“Fenerbahche”, Janubiy Koreya) — 14 mln yevro
8. Takumi Minamino (“Liverpul”,  Yaponiya) — 12 mln yevro
9. Ritsu Doan (“PSV”, Yaponiya) — 8 mln yevro
10. Eldor Shomurodov (“Roma”, O‘zbekiston) — 8 mln yevro.