Элдор Шомуродовдан Сон Ҳён Мингача. Осиёнинг айни вақтдаги энг қиммат 10 футболчиси

Трансфермаркт портали Осиёнинг айни вақтдаги энг қиммат ўйинчилари рейтингини эълон қилди.

Рўйхатни «Тоттеҳем» клуби ва Жанубий Корея терма жамоаси ҳужумчиси Сон Ҳён Мин эгаллаб турибди. 29 ёшли футболчи портал томонида 75 миллион еврога баҳоланган.

Иккинчи ва учинчи ўриндан Япония терма жамоаси вакиллари Такеҳиро Томиясу («Арсенал») ва Даичи Камада («Айнтрахт Ф») ўрин олган.

Ўзбекистон терма жамоаси ва Римнинг «Рома» клуби форварди Элдор Шомуродов энг қиммат осиёликлар орасида ўнинчи поғонада қайд этилган. 26 ёшли Элдорнинг трансфер қиймати 8 миллион еврога тенг.

1. Сон Ҳён Мин («Тоттенҳэм», Жанубий Корея) — 75 миллион евро
2. Такеҳиро Томиясу («Арсенал», Япония) — 25 млн евро
3. Даичи Камада («Айнтрахт», Япония) — 22 млн евро
4. Сардор Азмун («Байер», Эрон) — 22 млн евро
5. Меҳди Тареми («Порту», Эрон) — 20 млн евро
6. Ҳван Ҳи Чан («Вулверҳэмптон», Жанубий Корея) — 16 млн евро
7. Ким Мин Же («Фенербаҳче», Жанубий Корея) — 14 млн евро
8. Такуми Минамино («Ливерпуль»,  Япония) — 12 млн евро
9. Рицу Доан («ПСВ», Япония) — 8 млн евро
10. Элдор Шомуродов («Рома», Ўзбекистон) — 8 млн евро.