Ҳеч ўйлаб кўрганмисиз, нима учун фильмларда мактаб ўқувчилари ёшига нисбатан катта кўринади? Маълум бўлишича, кўплаб актёрлар ҳақиқий ёшларига мос бўлмаган ўсмирлар ролини ўйнашни хоҳлайди.
Ширли Хендерсон — «Гарри Поттер ва тилсим хона»
«Гарри Поттер»даги йиғлоқи қиз Миртл эсингиздами? Суратга олиш пайтида 37 ёшда бўлган Ширли Хендерсон 13 ёшли сеҳргарлар мактаб ўқувчисини ўйнаган.
Леонардо Ди Каприо — «Тутқич бермас фирибгар»
«Тутқич бермас фирибгар» фильмида Лео ўйнаган бош қаҳрамон эндигина 16 ёшга тўлган ўсмир эди. Премьера вақтида актёрнинг ўзи 28 ёшда бўлган.
Борис Корчевников — «Кадетлик»
Бир вақтлар жанжалкаш бошловчи россиялик ўқувчиларининг ҳақиқий севимлиси эди: унинг Суворов мактабининг ўқувчиси, 14 ёшли курсант Синицин роли тезда ёш қизларнинг қалбидан жой олди. Ўша пайтда актёр 24 ёшда эди.
Майкл Жей Фокс — «Келажакка қайтиб»
«Келажакка қайтиб» трилогиясининг бош қаҳрамони 17 ёшли ўсмир Марти Макфлайдир. Аммо сўнгги фильмнинг охирига келиб, актёрнинг ҳақиқий ёши ва унинг характери ўртасидаги фарқ ўн йилдан ошиб кетади. Учинчи қисм премьераси пайтида Жей Фокс 29 ёшда эди.
Равшана Куркова — «Барвиха»
Гўзал Равшана машҳур «Барвиха» телесериалида мактаб ўқувчисини ўйнаган, аммо актрисанинг ўзи аллақачон мактабни битирган эди — суратга олиш пайтида Куркова 29 ёшда бўлган.
Тоби Магуайр — «Ўргимчак одам»
Мактаб ўқувчиси ролини ўйнаган яна бир келишган йигит: 17 ёшли ўргимчак одам ролини ижро этган Тоби ўша пайтда 30 ёшда бўлган.
Жейсон Эрлз — «Ханна Монтана»
Жейсон Эрлз қаримайдиган актёрлар рейтингида фахрли биринчи ўринни эгаллайди: 34 ёшли йигит яқинда 16 ёшга тўлган ёш мактаб ўқувчиси ролини ўйнади.
Габриэль Картериз — «Беверли Ҳиллз 90210»
90 йилларнинг машҳур сериали қаҳрамони — Андреа сюжетда 16 ёшда деб тасвирланган. Аммо ўша вақтда актрисанинг ўзи 30 ёшини нишонлашга тайёргарлик кўраётган эди.
Мавзуга доир:
Изоҳ (0)