Namangan viloyati Pop tumanida 22-iyun kuni voyaga yetmagan bola “kolodets”ga tushib ketdi. Bu haqda viloyat Favqulodda vaziyatlar boshqarmasi xabar qildi.
Qayd etilishicha, holat shu kuni soat 18:00 larda Pop tumani “Ozod” mahallasi Navro‘z ko‘chasida sodir bo‘lgan. Shu hududdagi ko‘p qavatli uylardan birida yashovchi voyaga yetmagan I.M. (2019-yilda tug‘ilgan) ko‘chada o‘ynab yurgan vaqtida ehtiyotsizlik oqibatida “kolodets”ga tushib ketgan. Bola qo‘ni-qo‘shnilar harakati bilan chiqarib olingan.
Holat bo‘yicha tuman FVBga hech qanday murojaat kelib tushgan. Hozirda bola sog‘lom holatda.
“Pop tumani FVB davlat quyi tizimiga kiruvchi tashkilotlarga quduq qopqoqlarini ochiq qoldirmaslik bo‘yicha ogohlantirishlar berildi”, — deyiladi xabarda.
Izoh (0)