Bir vaqtning o‘zida O‘zbekistonning 8 ta shahrida o‘tkazilgan yugurish musobaqasi — suratlarda

2022-yilning 26-iyun kuni O‘zbekistonning sakkizta shahrida bir vaqtda, Yoshlar kuni va Olimpiya kuni xalqaro sport bayramiga bag‘ishlangan “Yangi nafas” sport yugurish musobaqasi bo‘lib o‘tdi.

“Bir vatanda, bir vaqtda, bir masofaga, bir maqsadda – birga yuguramiz!” shiori ostida Toshkent, Chirchiq, Guliston, Farg‘ona, Namangan, Jizzax, Samarqand va Shahrisabzda 25 mingdan ziyod ishtirokchi 3 kilometrlik yugurish musobaqasida qatnashdi.

Maktab o‘quvchilari va talabalar, jamoat arboblari, tadbirkorlar, sportchilar va havaskorlar ushbu sport bayramiga qo‘shildi. Ishtirokchilar safida Oksana Chusovitina, Shahram G‘iyosov, Asal Saparbayeva, Ravshan Ermatov, Ruslan Nuriddinov va Akbar Jo‘raev kabi sportchilarni ham ko‘rish mumkin edi.

Xalqaro olimpiya qo‘mitasi prezidenti Tomas Bax tadbir ochilishida yugurish musobaqasining ishtirokchilariga tabrik nutqi bilan murojaat qildi. O‘zining videomurojaatida u barchani, bugungi kunda XOQ ishtirokchilari – 205 ta mamlakatni birlashtirib turuvchi, Xalqaro olimpiya kuni bilan tabriklab, yosh avlodni sportni hayotlarining ajralmas qismiga aylantirishga chaqirdi.

Shuningdek, Oliy va o‘rta maxsus ta’lim vazirligi, Sportni rivojlantirish vazirligi va Yoshlar ishlari agentligi rahbariyati ham tabrik so‘zi bilan chiqdi.

Asosiy sovrinli o‘rinlardan tashqari, tashkilotchilar tomonidan quyidagi maxsus nominatsiyalar joriy etildi: “G‘alabaga iroda uchun”, “Eng yosh ishtirokchi”, “Eng yoshi katta ishtirokchi”.

• 1-o‘rin: Shahrom Abdurahmonov (O‘zbekiston davlat jismoniy tarbiya va sport universiteti)
• 2-o‘rin: Javohir Xoliqberdiyev (Qurolli kuchlar akademiyasi)
• 3-o‘rin: Ma’ruf Hamroqulov (O‘zbekiston davlat jismoniy tarbiya va sport universiteti)

• 1-o‘rin: Angelina Nasibullina (Chilonzor tumani bolalar va o‘smirlar sport maktabi)
• 2-o‘rin: Ozoda Yondosheva (O‘zbekiston Milliy universiteti)
• 3-o‘rin: Ziyodabonu Madlatipova (Toshkent stomatologiya instituti)

“G‘alabaga iroda uchun” nominatsiyasi (Nogironlar jamiyati ishtirokchilari o‘rtasida)

• 1-o‘rin: Muzaffar Shokirov
• 2-o‘rin: Umid Abdurahmonov
• 3-o‘rin: Sobir O‘rishev

Foto: “Daryo” / Madina Nurman

• 1-o‘rin: Nigina Kamilova
• 2-o‘rin: E’zoza Ahmedova
• 3-o‘rin: Go‘zal Eshmurodova

• 1-o‘rin: Umid Xudoyorbekov
• 2-o‘rin: Hamidullo Mirodullayev
• 3-o‘rin: Shahrizoda Solihova

“Eng yosh ishtirokchi” nominatsiyasi

Qiz bolalar: Adelina Omonova

O‘gil bolalar: Vladislav Ten

“Eng yoshi katta ishtirokchi” nominatsiyasi

Ayollar: Yavorina Fatapova

Erkaklar: Karim Fatapov