Qanot Sharq aviakompaniyasi Samarqand—Moskva—Samarqand yo‘nalishida muntazam qatnovlarni yo‘lga qo‘ydi. Bu haqda Transport vazirligi xabar qildi.
Qayd etilishicha, Samarqand xalqaro aeroportida aviakompaniyaning mazkur yo‘nalishda amalga oshirilgan birinchi qatnoviga xizmat ko‘rsatilgan. Bahor-yoz mavsumi rejasi doirasida aviakompaniya Toshkentdan Samarqand orqali Moskva (Vnukova) va Sankt-Peterburg shaharlariga aviaqatnovlarini bajaradi.
Samarqand xalqaro aeroportidan Moskvaga parvozlar haftaning chorshanba va payshanba kunlari mahalliy vaqt bilan soat 13:10 da, Toshkentga parvozlar juma kunlari soat 00:45 da amalga oshiriladi.
Samarqand shahridan xalqaro yo‘nalishlarda yangi qatnovlarning yo‘lga qo‘yilishi munosabati bilan mahalliy yo‘nalishlarda ham qo‘shimcha qatnovlar tashkil etilgan.
Shuningdek, yaqin orada Toshkent—Buxoro, Toshkent—Farg‘ona, Toshkent—Namangan kabi mahalliy yo‘nalishlarda muntazam aviaqatnovlarni yo‘lga qo‘yish rejalashtirilgan.
Avvalroq Uzbekistan Airways Express Toshkentdan Samaraga parvozlarni yo‘lga qo‘ymoqchiligi, Uzbekistan Airways Sochiga aviaqatnovlarni uzaytirgani, Toshkent va Moskva o‘rtasidagi aviaqatnovlar soni oshirilishi to‘g‘risida xabar berilgandi.
Izoh (0)