Farg‘ona viloyati Bog‘dod tumanida giyohvand moddasini saqlab kelgan qorovul qo‘lga olindi.
14-iyun kuni tuman IIB JQB xodimlari tomonidan o‘tkazilgan tadbir davomida, bog‘dorchilik fermer xo‘jaligi dala shiyponida qorovulchilik bilan shug‘ullanuvchi K.O. iste‘mol qilish uchun qorovulxona tomida 451 gramm “Marixuana” giyohvandlik moddasini saqlab kelayotgani aniqlanib, ashyoviy dalil tariqasida olingan.
Mazkur holat yuzasidan Bag‘dod tumani IIB huzuridagi tergov bo‘limi tomonidan Jinoyat kodeksining 276-moddasi 2-qismi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, Jinoyat kodeksining 276-moddasi 2-qismida ko‘rsatilgan jinoyatni sodir etgan shaxs 3-yilgacha ozodlikdan mahrum qilish bilan jazolanishi mumkin.
Mavzuga doir:
Izoh (0)