Xiaomi kompaniyasiga tegishli bo‘lgan Poco brendi ikkita — Poco F4 hamda Poco X4 GT smartfonlarini taqdim etdi, deb xabar beradi GSMArena. Apparatlar avvalroq sotuvga chiqarilgan Redmi K40S va Redmi Note 11T Pro’ning rebrendingi hisoblanadi.
Poco F4
Mashhur Poco F3’ning davomchisi bo‘lgan model piksellari nisbati 2400x1080, tasvir yangilanish chastotasi 120 gertsga teng 6,67 dyuymli AMOLED-ekranga ega bo‘lgan, shuningdek, u Gorilla Glass 5 oynasi bilan himoyalangan. Barmoq izi skaneri qurilmani o‘chirib-yoqish tugmasiga joylashtirilgan.
Smartfon ichidan Qualcomm Snapdragon 870 protsessori, 6 yoki 8 gigabayt tezkor hamda 128 yoki 256 gigabayt ichki xotira o‘rin olgan. Akkumulyator sig‘imi 4500 mA/soatni tashkil etib, 67 vattli tezkor quvvatlanish funksiyasiniga ega. Yangi model korpusi namlikdan IP53 standarti bo‘yicha himoyalangan.
Apparatning kameralari to‘rtta: 64 megapikselli asosiy, 8 megapikselli keng burchak, 2 megapikselli makro va 20 megapikselli frontal. Smartfonning o‘ziga xos jihati optik barqarorlashtirgichi borligida.
Poco F4’ning 6/128 gigabaytli versiyasi Yevropada 399 dollardan, 8/256 gigabaytli versiyasi esa 449 dollardan sotuvga chiqadi.
Poco X4 GT
Yaqinda taqdim etilgan Redmi Note 11T Pro’ning kloni piksellari nisbati 2460x1080 bo‘lgan 6,6 dyuymli IPS-matritsaga ega bo‘lgan. Barmoq izi skaneri o‘chirib-yoqish tugmasida.
Apparat ichidan MediaTek Dimensity 8100 chipi, 8 gigabayt tezkor va 128/256 gigabayt ichki xotira o‘rin olgan. Akkumulyator sig‘imi 5080 mA/soat bo‘lib, 67 vattli tezkor quvvatlanish funksiyasiga ega. 0 foizdan 100 foizgada 46 daqiqada quvvatlana oladi.
Smartfonning kameralari to‘rtta: 64 megapikselli asosiy, 8 megapikselli keng burchak, 2 megapikselli makro, 16 megapikselli frontal. Asosiy kamera soniyasiga 30 ta kadrni qamrab olib, 4K sifatdagi videoni tasvirga olishga qodir. Frontal kamerasi — xuddi shu chastotada 1080r. Yangi model, shuningdek, IP53 standarti bo‘yicha chang va namlikdan himoyalangan.
Poco F4 GT’ning 8/128 gigabaytli versiyasi Yevropada 379 dollardan, 8/256 gigabaytli versiyasi esa 429 dollardan sotuvga chiqadi.
Avvalroq xitoyliklar bir marta quvvatlanish orqali 45 kungacha ishlay oladigan smart-soatni taqdim etgani, Xiaomi yuzni tanish funksiyasiga ega “aqlli” eshikni ixtiro qilgani to‘g‘risida xabar berilgandi.
Izoh (0)