Xiaomi компанияси Poco F4 ва Poco Х4 GТ смартфонларини тақдим этди

Xiaomi компаниясига тегишли бўлган Poco бренди иккита — Poco F4 ҳамда Poco Х4 GТ смартфонларини тақдим этди, деб хабар беради GSMArena. Аппаратлар аввалроқ сотувга чиқарилган Redmi К40S ва Redmi Note 11T Pro’нинг ребрендинги ҳисобланади.

Poco F4

Машҳур Poco F3 нинг давомчиси бўлган модель пикселлари нисбати 2400х1080, тасвир янгиланиш частотаси 120 герцга тенг 6,67 дюймли AMOLED-экранга эга бўлган, шунингдек, у Gorilla Glass 5 ойнаси билан ҳимояланган. Бармоқ изи сканери қурилмани ўчириб-ёқиш тугмасига жойлаштирилган.

Смартфон ичидан Qualcomm Snapdragon 870 процессори, 6 ёки 8 гигабайт тезкор ҳамда 128 ёки 256 гигабайт ички хотира ўрин олган. Аккумулятор сиғими 4500 мА/соатни ташкил этиб, 67 ваттли тезкор қувватланиш функциясинига эга. Янги модель корпуси намликдан IP53 стандарти бўйича ҳимояланган.

Аппаратнинг камералари тўртта: 64 мегапикселли асосий, 8 мегапикселли кенг бурчак, 2 мегапикселли макро ва 20 мегапикселли фронтал. Смартфоннинг ўзига хос жиҳати оптик барқарорлаштиргичи борлигида.

Poco F4 нинг 6/128 гигабайтли версияси Европада 399 доллардан, 8/256 гигабайтли версияси эса 449 доллардан сотувга чиқади.

Poco Х4 GТ

Яқинда тақдим этилган Redmi Note 11T Pro’нинг клони пикселлари нисбати 2460х1080 бўлган 6,6 дюймли IPS-матрицага эга бўлган. Бармоқ изи сканери ўчириб-ёқиш тугмасида.

Аппарат ичидан MediaTek Dimensity 8100 чипи, 8 гигабайт тезкор ва 128/256 гигабайт ички хотира ўрин олган. Аккумулятор сиғими 5080 мА/соат бўлиб, 67 ваттли тезкор қувватланиш функциясига эга. 0 фоиздан 100 фоизгада 46 дақиқада қувватлана олади.

Смартфоннинг камералари тўртта: 64 мегапикселли асосий, 8 мегапикселли кенг бурчак, 2 мегапикселли макро, 16 мегапикселли фронтал. Асосий камера сониясига 30 та кадрни қамраб олиб, 4К сифатдаги видеони тасвирга олишга қодир. Фронтал камераси — худди шу частотада 1080р. Янги модель, шунингдек, IP53 стандарти бўйича чанг ва намликдан ҳимояланган.

Poco F4 GТ’нинг 8/128 гигабайтли версияси Европада 379 доллардан, 8/256 гигабайтли версияси эса 429 доллардан сотувга чиқади.

Аввалроқ хитойликлар бир марта қувватланиш орқали 45 кунгача ишлай оладиган смарт-соатни тақдим этгани, Xiaomi юзни таниш функциясига эга «ақлли» эшикни ихтиро қилгани тўғрисида хабар берилганди.