Yaponiyalik muhandis o‘rgimchak ko‘rinishidagi tungi chiroqni yaratdi. U harakatlanish va kunning qorong‘i vaqtida uyda yo‘l ko‘rsatish qobiliyatiga ega, deb xabar beradi Hi-Tech.Mail.ru.
Kechasi hojatxona yoki muzlatkich oldiga borish kerak bo‘lsa, butun xonadagi chiroqni yoqishga yoki bo‘lmasa, smartfon fonaridan foydalanishga to‘g‘ri keladi. Ixtirochi ushbu muammoga yechim topgan va shu kabi tungi robot-yo‘lko‘rsatkichdan foydalanishni taklif etgan.
Robot ijtimoiy tarmoq foydalanuvchilarini qo‘rqitib yubordi. Ta’kidlanishicha, kerakli joyga bunday “do‘st” bilan yetib olgandan ko‘ra, qorong‘ida harakatlangan afzal. Shu bilan birga, muhandis mazkur robotni bolalar uchun tayyorlaganini ma’lum qilgan.
Ayni vaqtda ixtirochi robotni avtonomlashtirish maqsadida uni takomillashtirish bilan shug‘ullanmoqda. Dastlabki prototip Bluetooth-joystik yordamida ishlaydi.
Avvalroq xitoyliklar insonga o‘xshash uy robotining prototipini namoyish etgani, Avstraliyada esa olma terishga qodir robot yaratilgani to‘g‘risida xabar berilgandi.
Izoh (0)