“PSJ” prezidenti: Yevropa Superligasi g‘oyasi o‘lgan. “Real” o‘zi yutgan YCHLda o‘ynashni xohlamasligi g‘alati

“PSJ” prezidenti Nosir al-Helayfi Yevropa Superligasi g‘oyasini o‘lgan deb hisoblashini aytdi.

Menimcha, u allaqachon o‘lgan. Ammo g‘alati tomoni shundaki, “Real” Chempionlar Ligasida g‘alaba qozondi va ular bunga haqli edi. Madridliklar bir tomondan ushbu sovringa ega chiqishni xohlaydi, boshqa tomondan esa unda o‘ynashni xohlamaydi.

Agar siz norozi bo‘lsangiz, musobaqada o‘ynashingiz shart emas. Bu dunyodagi eng yaxshi musobaqa. Nega ispan muxlislari ham YCHLga qarshi ekanligini bilmayman. Biroq men uchun Superliga g‘oyasi o‘lgan.

Nosir al-Helayfi, “PSJ” prezidenti

Undan avval Yevropa Superligasi g‘oyasini qo‘llab-quvvatlovchi “Barselona”, “Real” va “Yuventus” yozda o‘rtoqlik o‘yinlari tashkillashtirmoqchiligi haqida xabarlar chiqqan edi.

2021-yilning 18-aprel kuni 12 klub boshchiligida Yevropa Superligasiga asos solingandi. Oradan ikki kun o‘tib qator klublar birin-ketin loyihani tark eta boshladi va Superliga loyihasi vaqtincha to‘xtatildi.