Мўғулистонда дзюдо бўйича «Катта дубулға» мусобақаси ўтказилмоқда.
Мусобақанинг илк кунида Ўзбекистон вакиласи Диёра Келдиёрова -52 кг вазн тоифасида олтин медални қўлга киритди. Келдиёровага ҳал қилувчи беллашувда россиялик Алеся Кузнецова рақиблик қилди. Баҳсда Келдиёрова учта шидо эвазига ғалабани қўлга киритди. У ярим финалда португалиялик Жоана Диогони иппон баҳоси билан мағлубиятга учратганди.
Шу тариқа Диёра «Катта дубулға» турнирларининг икки карра ғолибига айланди.
Қайд этиш керак, Диёра Келдиёрова ушбу ғалабаси билан Париж—2024 Олимпия ўйинлари учун 500 рейтинг очкосини ҳам ўз ҳисобига қўшиб қўйди.
Изоҳ (0)