Rossiyaning Ukraina g‘allasini blokada qilishi “haqiqiy urush jinoyati” — Yevropa Ittifoqi

Rossiyaning millionlab tonna Ukraina donini blokadaga olishi “haqiqiy urush jinoyati”, deydi Yevropa Ittifoqi tashqi siyosati rahbari Josep Borrel.

“Bu aqlga sig‘maydi —Ukrainada millionlab tonna bug‘doy to‘sib qo‘yilgan bir paytda dunyoning qolgan qismida odamlar ochlikdan azob chekayotganini tasavvur qilish imkonsiz. Biz Rossiyani (Ukraina) portlarini deblokada qilishga chaqiramiz” — deya qo’shimcha qilgan Borrel.

Dushanba kuni Yevropa Ittifoqi tashqi ishlar vazirlari g‘alla inqirozni muhokama qilish uchun Lyuksemburgda uchrashdi.

G‘arb davlatlari Rossiyadan Ukrainaning Qora dengiz portlarini blokada qilishni to‘xtatishni va ulkan g‘alla zaxiralarining jahon bozorlariga chiqishiga ruxsat berishni talab qildi.

Ushbu blokada o‘n millionlab odamlar ocharchilik xavfi ostida ekanligi va oziq-ovqat narxining keskin ko‘tarilishi haqidagi haqida ogohlantirishlar paydo bo‘lishiga sabab bo‘ldi.

Janob Borrelning aytishicha, Rossiyaning Ukrainaga qarshi urushi butun dunyoga salbiy ta‘sir qilmoqda, buni oziq-ovqat va energiya narxlari orqali ko‘rish mumkin.

Uchrashuvdan so‘ng o‘tkazilgan matbuot anjumanida u Rossiyaning Ukraina g‘alla eksportini bloklashi “dunyoda ocharchilik yaratishga qasddan qilingan urinish” va Yevropa Ittifoqi hamda Ukrainaga qo‘shimcha bosim o‘tkazishga urinish ekanligini aytdi.

Borrelning so‘zlariga ko‘ra, Yevropa Ittifoqi tashqi ishlar vazirlari butun Afrika qit’asidagi hamkasblari bilan Rossiyaga qarshi sanksiyalar bo‘yicha bog‘lanadi.

U Rossiyaning hozirgi oziq-ovqat inqirozi Yevropa Ittifoqi sanksiyalarining natijasi ekanligi haqidagi da’vosini rad etdi va Yevropa Ittifoqi sanksiyalari YIdan tashqaridagi mamlakatlarning Rossiya yoki boshqa davlatlar bilan oziq-ovqat savdosi amaliyotida ishtirok etishini “taqiqlamasligini” aytdi.

Lyuksemburgdagi uchrashuv oldidan Borrell: “Bu haqiqiy urush jinoyati, shuning uchun men bu uzoq davom etishini tasavvur qila olmayman” deya Ukrainadagi inqirozga izoh berdi.

Uning aytishich, agar Rossiya Ukrainadan hayotiy zarur bo‘lgan g‘alla eksportini to‘sib qo‘yishda davom etsa, “javobgarlikka” tortilishi kerak.