Estoniya xususiy shaxslarga Rossiyadan bir qator tovarlar olib kirishni taqiqlaydi

Estoniya 10-iyuldan boshlab xususiy shaxslarga Rossiyadan sanksiyalarga kiritilgan tovarlarni olib kirishni taqiqlaydi, deya xabar qildi dushanba kuni respublika soliq va bojxona departamenti.

Estoniya tomoni so‘zlariga ko‘ra, “taqiq Yevropa Ittifoqi tomonidan Rossiyaga katta daromad keltiruvchi rus tovarlarini xarid qilishning oldini olish maqsadida qabul qilingan sanksiyalar bilan bog‘liq”.

Import qilish taqiqlangan tovarlar ro‘yxatiga tarkibida 80% dan kam alkogoli bo‘lgan spirtli ichimliklar, mebel, yog‘och, o‘g‘itlar va jismoniy shaxslar har kuni Rossiyadan olib keladigan boshqa bir qator tovarlar kiradi.

Sanksiyalar, shuningdek, Rossiyaga hashamatli tovarlar sifatida tasniflangan tovarlar, shu jumladan ma‘lum maishiy elektronika mahsulotlarini eksport qilish uchun ham qo‘llaniladi.

Estoniya soliq organining bojxona bo‘limi boshlig‘i Eerik Heldnaning so‘zlariga ko‘ra, qoidalar “masalan, fuqaro Rossiyaga qiymati 750 yevrodan ortiq bo‘lgan hashamatli elektronikani olib kirishga harakat qilsa” unga tahdid solishi mumkin.

U odamlarni bu masalaga jiddiy yondashishga va keyingi muammolarga yo‘l qo‘ymaslik uchun Rossiya Federatsiyasidan nima sotib olishlarini diqqat bilan tekshirishga chaqirdi.