Finlyandiya 30-iyundan boshlab koronavirusga qarshi kirish cheklovlarini bekor qiladi, shu kundan boshlab uchinchi davlatlar, jumladan, Rossiyadan ham sayyohlarni qabul qilishni tiklanadi — deya xabar qildi respublika Ichki ishlar vazirligi.
Koronavirus pandemiyasi bilan bog‘liq Finlyandiyaga kirishga qo‘yilgan cheklovlar 30-iyun kuni tugaydi. Bu shuni bildiradiki, Finlyandiyaga kelgan uchinchi davlat sayohatchilaridan endi emlash sertifikatlari yoki COVID-19 testlariga ega bo‘lishlari shart emas. Shuningdek, chegara o‘tish joylarida koronavirus uchun test topshirish ham shart emas.
Vazirlik ma’lumotlariga ko‘ra, chegara nazorati ishi pandemiyadan oldingi davrga qaytadi. Yevropa Ittifoqi va Shengen hududidan tashqaridan kelganlar xorijga chiqish pasporti va kerak bo‘lganda vizaga ega bo‘lishlari kerak.
“Cheklovlarning olib tashlanishi uchinchi davlatlardan kelayotgan trafikni oshirishi kutilmoqda. Masalan, sharqiy chegarada trafik oshishi mumkin. Trafik hajmiga rossiyaliklarning sayohat qilish istagi va amaldagi vizalar soni ta’sir qiladi”, — deya qo‘shimcha qilgan Finlyandiya IIV.
Shuningdek, vazirlik Finlyandiya konsullik idoralari hozirda mamlakatga kirish vizalari berayotgani haqida xabar berdi.
Izoh (0)