Россиянинг миллионлаб тонна Украина донини блокадага олиши «ҳақиқий уруш жинояти», дейди Европа Иттифоқи ташқи сиёсати раҳбари Жосеп Боррел.
«Бу ақлга сиғмайди —Украинада миллионлаб тонна буғдой тўсиб қўйилган бир пайтда дунёнинг қолган қисмида одамлар очликдан азоб чекаётганини тасаввур қилиш имконсиз. Биз Россияни (Украина) портларини деблокада қилишга чақирамиз» — дея қўшимча қилган Боррел.
Душанба куни Европа Иттифоқи ташқи ишлар вазирлари ғалла инқирозни муҳокама қилиш учун Люксембургда учрашди.
Ғарб давлатлари Россиядан Украинанинг Қора денгиз портларини блокада қилишни тўхтатишни ва улкан ғалла захираларининг жаҳон бозорларига чиқишига рухсат беришни талаб қилди.
Ушбу блокада ўн миллионлаб одамлар очарчилик хавфи остида эканлиги ва озиқ-овқат нархининг кескин кўтарилиши ҳақидаги ҳақида огоҳлантиришлар пайдо бўлишига сабаб бўлди.
Жаноб Боррелнинг айтишича, Россиянинг Украинага қарши уруши бутун дунёга салбий таъсир қилмоқда, буни озиқ-овқат ва энергия нархлари орқали кўриш мумкин.
Учрашувдан сўнг ўтказилган матбуот анжуманида у Россиянинг Украина ғалла экспортини блоклаши «дунёда очарчилик яратишга қасддан қилинган уриниш» ва Европа Иттифоқи ҳамда Украинага қўшимча босим ўтказишга уриниш эканлигини айтди.
Боррелнинг сўзларига кўра, Европа Иттифоқи ташқи ишлар вазирлари бутун Африка қитъасидаги ҳамкасблари билан Россияга қарши санкциялар бўйича боғланади.
У Россиянинг ҳозирги озиқ-овқат инқирози Европа Иттифоқи санкцияларининг натижаси эканлиги ҳақидаги даъвосини рад этди ва Европа Иттифоқи санкциялари ЕИдан ташқаридаги мамлакатларнинг Россия ёки бошқа давлатлар билан озиқ-овқат савдоси амалиётида иштирок этишини «тақиқламаслигини» айтди.
Люксембургдаги учрашув олдидан Боррелл: «Бу ҳақиқий уруш жинояти, шунинг учун мен бу узоқ давом этишини тасаввур қила олмайман» дея Украинадаги инқирозга изоҳ берди.
Унинг айтишич, агар Россия Украинадан ҳаётий зарур бўлган ғалла экспортини тўсиб қўйишда давом этса, «жавобгарликка» тортилиши керак.
Изоҳ (0)