Xitoyning Rossiyadan neft importi o‘tgan yilga nisbatan 55 foizga oshib, may oyida rekord darajaga yetdi. Bu esa Saudiya Arabistonini eng yirik yetkazib beruvchi sifatida siqib chiqardi. Bu haqda Reuters xabar berdi.
Xitoy bosh bojxona boshqarmasi ma’lumotlariga ko‘ra, Rossiya neftining importi, shu jumladan Rossiyaning Yevropa va Uzoq Sharq portlaridan dengiz orqali jo‘natilgan yuklari deyarli 8,42 mln tonnani tashkil etdi.
Bu kuniga taxminan 1,98 mln barrelga teng ko‘rsatkich. Taqqoslash uchun, u apreldagi 1,59 mln barreldan 25 foizga ko‘p.
19 oylik tanaffusdan so‘ng Rossiya yana jahondagi eng yirik xom neft importchisi sifatida birinchi o‘rinni egallagani sanksiyalarga qaramay, narxlarni pasaytirishga to‘g‘ri kelgan bo‘lsa-da, mamlakat o‘z neftiga xaridorlarni topishi mumkinligini ko‘rsatmoqda.
Xitoyning umumiy neftga bo‘lgan talabi COVID-19 cheklovlari va sekinlashayotgan iqtisodiyot tufayli pasaygan bo‘lsa-da, yetakchi importerlar arzonroq rus neftini sotib olishni boshladi.
Saudiya Arabistoni ikkinchi eng yirik yetkazib beruvchi bo‘lib qoldi, may oyida neft hajmi yiliga 9 foizga o‘sib, 7,82 mln tonna yoki kuniga 1,84 mln barrelga yetdi. Taqqoslash uchun, bu aprel oyidagi 2,17 mln barreldan kamroq.
Avvalroq Rossiyaning Osiyoga neft eksporti misli ko‘rilmagan darajada ko‘paygani haqida xabar berilgan edi.
Izoh (0)