Хитойнинг Россиядан нефть импорти ўтган йилга нисбатан 55 фоизга ошиб, май ойида рекорд даражага етди. Бу эса Саудия Арабистонини энг йирик етказиб берувчи сифатида сиқиб чиқарди. Бу ҳақда Reuters хабар берди.
Хитой бош божхона бошқармаси маълумотларига кўра, Россия нефтининг импорти, шу жумладан Россиянинг Европа ва Узоқ Шарқ портларидан денгиз орқали жўнатилган юклари деярли 8,42 млн тоннани ташкил этди.
Бу кунига тахминан 1,98 млн баррелга тенг кўрсаткич. Таққослаш учун, у апрелдаги 1,59 млн баррелдан 25 фоизга кўп.
19 ойлик танаффусдан сўнг Россия яна жаҳондаги энг йирик хом нефть импортчиси сифатида биринчи ўринни эгаллагани санкцияларга қарамай, нархларни пасайтиришга тўғри келган бўлса-да, мамлакат ўз нефтига харидорларни топиши мумкинлигини кўрсатмоқда.
Хитойнинг умумий нефтга бўлган талаби COVID-19 чекловлари ва секинлашаётган иқтисодиёт туфайли пасайган бўлса-да, етакчи импортерлар арзонроқ рус нефтини сотиб олишни бошлади.
Саудия Арабистони иккинчи энг йирик етказиб берувчи бўлиб қолди, май ойида нефть ҳажми йилига 9 фоизга ўсиб, 7,82 млн тонна ёки кунига 1,84 млн баррелга етди. Таққослаш учун, бу апрель ойидаги 2,17 млн баррелдан камроқ.
Аввалроқ Россиянинг Осиёга нефть экспорти мисли кўрилмаган даражада кўпайгани ҳақида хабар берилган эди.
Изоҳ (0)